Hana no suka
Szukającë w bòkadnëch dostónkach serwisu youtube za fejn mùzyką, òsoblëwie tą z Japòńsczi móm nalazłé band Ore Ska Band.
Miono karna je dosc czekawé. Zdrząc do słowarza mòżemë òbaczëc, że òznacziwô Mòjé Karno Ska, ale gôdóné blós w chłopsczim jãzëkù, òsoblëwie tim baro prostim, sërim. Në, le w karnie są sómé białczi! A japòńsczé białczi gôdają kąsk jiné słowa jak jich chłopi, dzãka czemù nôùka tegò jãzëka je dosc drãgô dlô zwëkòwégò miészkańca Eùropë. Żebë jesz bëło cãżi, to wôrt je dodac, że słowa zanolégają téż òd sztatusa gôdającégò ë tegò do kògò sã gôdô. Ë tak “jô” to mòże bëc watakushi, watashi, atashi (białczi le tak gôdają), boku (knôpi tak gôdają), ore (blós knôpi) – ë to jesz nie kùńc! Piérszé z nëch słowów je baro òficjalné, slédné je baro sëré, gôdané np. bez japòńsczich mafiozów z Yakuzë (chòc nie le blós). To, że dzéwùs w Japòńsczi gôdô òrdinarnym jãzëkã to efekt kùlturowi zmianë młodi generacëji. Në to tëli ò mionie karna, bò doch ni miało bëc ò jãzëkù!
Ladies and Gentelmen! Ore Ska Band w sztëczkù Hana no suka, czëlë kwiatowé ska.
Sztëczk je fejn (skòkny, wiesołi, ritmiczny…), jô gò òd czasu jak të gò tuwò wstôwił to móm ju czile drëchòm/drëszkòm pùczoné – ë dlôte je terô na dopòwiesc
Z japòńsczgò ska-punka to jesz mòże bëc Yum!Yum!Orange. Króm tegò bédëjã Doberman, Tokyo Ska Paradise Orchestra (abò jinaczi Skapara). Wikszi dzél japòńsczi scenë ska to mésterstwò swiata, chòc wiedno chtos mòże rzec, że to kòpijô (ë mdze miôł tej sej prôwdã…)
Tokyo Ska Paradise Orchestra to je jedinczô kapela (në jo to ju gwës barżi band) jaką jô znajã ë jaczi platkã móm doma. Na resztã weznã sã czasu ë pòsłëchóm na youtube.
. Jak bãdã miôł to dôm ce znac.
Nié na témã terô: móm czekawą platkã RASH-owégò karna z Francësczi sã zamówioné
OK
Baro jem czekawi cëż to je za RASH-òwi band z Francësczi!
Co do Skaparë to jak dlô mie zarôzkù za jamajsczim The Skatalites ë miemeckò-hòlandczim Kingston Kitchen (chòc to nie do kùńca nen ôrt mùzyczi) to nôlepszé karno ska-jazzowé. Le japòńskô scena ska mô téż wiele jinszégò do zabédowaniô. Przënômni co do ti mùzyczi.